Khattar Torbey 2 hrs · Beirut · يعني لمرة من المرات النوادر بيعينوا الشخص المناسب في المكان المناسب بدولتنا الكريمة: رامي عدوان سفيراً في باريس. بس أكيد، كونه مش زلمة الأستاذ #لولا_الهاء، بدها تبلش جريدة الأخبار تجقجق. الزلمي دارس ب ENA و Sciences Po، أهم جامعات فرنسا في العلوم السياسية والإدارة، والممر الأساسي إن لم نقل شبه الإلزامي لل"نخب" الفرنسية في السياسة والبيروقراطية. الزلمي كمان زميل الرئيس الفرنسي Macron في الدراسة وتربطه به علاقة صداقة شخصية. خدمة للبنان إنه ينحط سفير بباريس! شب عمره 42 سنة، من أذكى وألمع الأشخاص الذين أعرفهم، وباعرفه منيح حتى أقدر قول عنه هيك، كوننا كنا بنفس المدرسة (الجمهور) وأصدقاء مقربين من أيام الطفولة. ولكن للأسف رامي ناقصه شغلتين أساسيتين حتى ترضى عنه الأخبار: ما بيحمل شهادة من جامعة أبو خشبة ولا بويجي ع درج عين التينة!