Gebran Bassil - Head of FPM, Leader of the Strong Lebanon Bloc and Former Minister of Foreign Affairs

[TayyarBeino]

@Gebran_Bassil

·​

55s

نحن باختصار، لا منرغب ولا نريد المشاركة بالحكومة. سكتنا حتى الآن عن التهم والأكاذيب حتّى لا نعرقل تشكيلها ولكن طفح معنا الكيل! مرّة جديدة اخطأنا بأننا سكتنا وتحمّلنا و"ما حكينا للناس كلّ شي لنمشّي الأمور بالبلد؛ منطلع نحنا الفاسدين والمخربين"؟


ما شافوا من المبادرة الفرنسية وحاجة الناس وفقرهم الاّ فرصة يستفيدوا منها ليعملوا ضغط اعلامي وسياسي وشعبي، ويألّفوا حكومة ترجّع منظومة 1990-2005 لتمسك بالكامل بمفاصل المال والاقتصاد والأمن والقضاء؛ ويطردونا برّا متل قبل 2005.


انتو مصدّقين انّو هودي الناس بدّن حكومة للإصلاح وللتدقيق الجنائي ومحاربة الفساد وإعادة الأموال المحوّلة واستعادة الأموال المنهوبة، وكشف حسابات السياسيين وموظفي الدولة؟! مين منعهم يلتزموا بإصلاحات سيدر؟ ما حدا! غير الكسل والجهل وعدم الرغبة بالإصلاح والجوع لسرقة المال العام



شفتوا المخيّلات والخفة العقلية! هيدي بتدلّ على نواياهم وشو بدّهم من الحكومة! كأن هيدي الحكومة مش هدفها الإصلاح وإنقاذ البلد من الإنهيار! هيدي الحكومة بالنسبة لهم هي لوضع يدهم على البلد ولإعادتنا الى ما قبل الـ 2005.​

 

[TayyarBeino]

​

@Gebran_Bassil​

·​

54s

المشكلة ليست فقط بالحكومة بل بالإصلاح الذي يجب ان تقوم به... فلو كانت هناك نيّة وإرادة للإصلاح، هناك أشياء يمكن القيام بها في المجلس النيابي بلا حكومة، أو بحكومة تصريف الأعمال بانتظار الحكومة، ولكن هذه الامور لا تتم لأن الإصلاح يضرب مصالح المنظومة


فكرهم ان بحرق الصور والتسلّح يصلون لهدفهم... نحن لن نسمح بذلك! وبنفس الوقت لن نسمح بالعودة لزمن التهميش والإقصاء والإحباط، وزمن التبعية المالية والذميّة السياسية!



الحقيقة انّ قليلين الذين يتحملون الضغط والتهديد والعقوبات ولا يركعون او يسلّمون... نحن بسياستنا نمنع وضع لبنان بالإرتهان المالي والتبعية للخارج والتسليم بالتوطين، ونمنعهم من ان يتسببوا لنا بتصادم داخلي يحرّض عليه البعض...



نسأل سيّدنا البطريرك والناس الذين نمثلهم: هل تريدون العودة بالسياسة لما قبل 2005؟ هناك غازي كنعان لبناني وقوانينه الإنتخابية حاضرة، ورستم غزالة لبناني وتعييناته حاضرة. هل تريدون ان نرجع ونخضع لمنظومة المال والإقتصاد نفسها التي ادت الى الدين والريع وفلّسته؟​

 

[TayyarBeino]

@Gebran_Bassil

·​

Jan 10

منطلب، مندّعي، منبادر لطلب عقد حوار وطني بينتج عنه تصوّر لبناني مشترك لنظام سياسي جديد بيضمن الإستقرار بالبلد. القفز فوق المشاكل البنيوية بالنظام والتذرّع بأنّو حزب الله هو وحده سبب سقوط الدولة يعني انّو في حدا ما بدّو يحلّ المشكلة بعمقها.


اذا لا الحكومة ولا مجلس النواب ولا القضاء قادرين يعملوا الإصلاح، معناه انّو نظامنا فشل وبدّو إصلاح! لازم يكون عندنا الجرأة لمقاربة هيدا الموضوع على البارد، ومش ننطر لتحمى الأمور وتوقع المشاكل ويصير حلّه على السخن!



ما بدّن يخلّونا نعرف حقيقة الإنفجار ولا حتّى ابسط امور التحقيق حول دخول النيترات واستعماله. القصّة ما بتخلص باتّهام رئيس حكومة ووزراء بالتقصير، لأن فيما لو هيدا الشي صحيح، هم لا هرّبوا البضاعة ولا فجّروها... بدنا نعرف مين دمّر عاصمة لبنان!



فرحنا انّ هناك مساعدة دولية بالتحقيق ليتبيّن لنا لاحقاً ان لا احد من الأجهزة الخارجية قادر أو راغب بأن يزوّدنا بالمعلومات المفيدة عن التفجير... وذكّرونا بذلك بجريمة اغتيال الرئيس الحريري



بموضوع انفجار المرفأ، لا يجوز للقاضي ان يحصر تحقيقه بالشق الإداري فقط، ولا يجوز ان لا ينجز التقرير اللازم حتّى تدفع شركات التأمين الأموال للمستحقين!




نائب حوّل 65 مليون دولار وبيعطي دروس بالوطنية لرئيس الجمهورية ومواطن تاني ما قادر يحوّل ألف دولار لابنه بالخارج! قدّمنا كتاب للحاكم بلا نتيجة، طلبنا لجنة تحقيق برلمانية بلا تجاوب، قدّمنا شكوى بلا جواب، عملنا مظاهرة انضربنا بالحجار والسكاكين، قدّمنا قانون وما بدّهم يقرّوه!


كلّ فترة بتنعمل هيئة عامة ومنشوف فيها قانون العفو، طيب ليش ما منشوف قوانين مكافحة الفساد يلّي مقدّمينها؟ ليش ما منشوف قانون ال Capital Control؟ حدا بيصدّق انّو الإنهيار بلّش من 15 شهر وبعد ما انقرّ القانون؟ بتعرفوا ليش؟ لأن بعد في لليوم تحاويل عم تتمّ للخارج!



في حدا ما بيعرف انّو المهجِّرين قبضوا اكثر من المهجَّرين؟ في ناس متوارية ومطلوبة ومعروف وين مخبّاية، وفي تقرير من التفتيش ناطرينه من شهور .كيف هيئة القضايا تحرّكت على 17 موظف بصندوق المهجّرين بتهمة الإثراء غير المشروع، قامت القيامة على الوزير غسان عطاالله ورح يهدروله دمّه!


الكن عشر سنين بتفتشوا وما لقيتوا ولا رح تلاقوا فساد علينا، إلاّ الأكاذيب يلّي بتعملوها، لسبب بسيط انّو انتو اصحاب الشركات والفيول مش نحنا.


بالقمح بيسمّوه دعم، بالمازوت اسمه دعم، بالزراعة دعم، بالمستشفيات دعم بكل شي اسمه دعم، بس بالكهرباء بيصير اسمه هدر ليوحوا انّو في سرقة وفساد، وهي بالحقيقة سياسة دعم هنّي عملوها ونحنا ضدّها.



المصاري يلّي انصرفت على الكهرباء هي انحطّت بالموازنات لدعم لسعر الكهرباء على أساس برميل نفط 20$ بقرار من حكومة الرئيس الحريري سنة 94، ولمّا جينا سنة 2010 نغيّر هالسياسة ونجيب كهرباء رفضوا وكانوا الأكثرية...


بيصيروا يسمّعوا ويهدّدوا بالكهرباء... ومين؟ مافيا الموتورات والفيول. اعملوا تدقيق قدّ ما بتريدوا، أنضف المناقصات انعملت بإيّامنا... وما رح تلاقوا علينا قرش فساد




هلّق قال بدّن يعملوا تدقيق على كل المؤسسات والصناديق! أكيد لازم نعمله، بس هن بيكبّروا الحجر لما نقدر نرميه! طيّب اعملوه، شو هيدي المؤسسات والصناديق والمجالس بعهدة مين؟ وانعملت لمين وانسرقت من مين؟


"شوفوا الحجج! ساعة اسم الشركة، ساعة هويّتها، ساعة طبيعة العقد، ساعة السريّة المصرفيّة وضرورة إصدار قانون. كلّ مرّة بيحطّوا حاجز ليأخروا التدقيق"!


صحيح العماد عون تحدث عن التدقيق منذ سنوات، ولكن صندوق النقد طالب به بالـ 2020 كشرط أساسي للتفاوض لمّا ظهرت الفجوة المالية الكبيرة بحسابات مصرف لبنان وصار هناك خلاف على قيمتها... هذا التدقيق اذا صار سيفضح أمور وأسماء كثيرة، "فبيجرّبوا يطيرّوه ولو طار معه برنامج صندوق النقد".​

 

[TayyarBeino]

@Gebran_Bassil​

·​

10s

مش معقول بالإقتصاد كمان نكمّل متل الماضي ونعيد إنتاج النموذج الفاشل يلّي رافقنا من التسعينات وسقط، لأنّه غير قابل للحياة من بعد ما فلّس الدولة والناس.
​

​

مش معقول بالسياسة مثلاً، نوقّف ترقية عقداء الى عمداء عندهم حقّهم بالقانون واستحقّ تاريخ ترقيتهم، بس لأنّو وزير قرّر بالسياسة انّو ما يمضي المرسوم خلافاً للقانون، ما بيجوز يضلّ نظامنا نظام الفيتوات والتعطيل المتبادل.
​

​

يمكن بتخرج أصوات بتجنح عن هيدا الخط لأنها بتواجه عن حق حيط بيسدّ أفق الحل، لكن التيّار ما بييأس بالبحث عن حل بيحمي وحدة لبنان وبيحفظ تنوّع مجتمعه... حل بينطلق من دولة 1920، دولة لبنان الكبير يلّي ما بيصغر ولا بيتقسّم، ولكنّه بيعالج أمراضه وبيجدّد حاله بنموذج حضاري ناجح

​

​

التيّار الوطني الحر ناضل من أجل استعادة التوازن بالدولة من ضمن الميثاق الطائفي القائم لأنه يريد الحفاظ على الميثاق ولا يريد مشروعا إنفصاليا ويطرح حلا بديلا هو الدولة المدنية مع اللامركزية الواسعة لأنّه لا يريد الوصول لأفق مسدود


نحن بحاجة لعقد جديد بين اللبنانيين، نقوم به بخيارنا الحرّ وبتوقيتنا، بدل ان تفرضه علينا التطوّرات ويجبرنا الخارج على تسويات عرجاء سبق واختبرناها وأوصلتنا الى حيث نحن



مشروعنا يتناول الإصلاحات الدستورية والثغرات، مجلس النواب ومجلس الشيوخ، قانون الأحوال الشخصية، اللامركزية الموسّعة وإدارة واستثمار أصول الدولة؛ وسنقوم بورشة داخلية لنتعمّق بتفاصيله، ونطوّر مشروعنا لبناء الدولة مع إدراكنا انّوط بناء الدولة أصعب من تحرير الأرض


نحن من جهّتنا لدينا تصوّرنا ومشروعنا وطرحناه بخطوطه العريضة ومحاوره السبعة ويُختصر بالدولة المدنية المتلازمة مع اللامركزية الإدارية والمالية الموسّعة، تطبيقاً للطائف


مسألة تطوير النظام داخلية وتخصّنا وحدنا كلبنانيين، وحان الوقت لنبدأ بطرحها وحلّها. اللامركزية اعتمدت بوثيقة الطائف سنة 89، فلماذا يماطلون بها منذ 31 سنة؟



اتفقنا مع حزب الله على اطلاق حوار ثنائي لاعادة النظر بعلاقتنا ومراجعة وثيقة التفاهم على محاور أساسيّة ومنها المحور الخارجي ومحور بناء الدولة لأن "مش ماشي الحال". ولكن هيدا الحوار الثنائي لا يكفي ونحن وحزب الله لا نختصر كل البلد


طبعاً قضية السلاح والاستراتيجية الدفاعية ووضعيّة لبنان وعلاقاته بالدول ومسألة حياده او تحييده، هي مسائل كيانيّة وأساسيّة بصلب الحوار المطلوب. ونحن لا نقبل ان تكون أرضنا مسرحا لصراعات الآخرين ولا السلاح المقاوم يكون لخدمة أي مشروع غير مشروع حماية لبنان​

 

[Resign]

 

[TayyarBeino]

@Gebran_Bassil​

·​

18s

نحنا لكلّ اللبنانيين مندافع عنهم كلّهم بوجه أي خطر، ومنبقى بلبنان وما في شي ولا حدا بيقبعنا من أرضنا.


الناس بتعرف مين بيبقى واقف وقت المحزوزية ومين بيهرب وبيتخبّى. هيدا البلد مشاكلو كبيرة وازماته صعبة، بدّها نساء ورجال بيتحمّلوا الشدائد، اولاد الثورة العميقة، والقضية يلّي ما بتموت، ومش اولاد الموجات الطالعة والنازلة والثورات الفايشة.


يا ما دفعنا اثمان مواقفنا وما سألنا، مش ليجي اليوم صغار النفوس ويتّهمونا بسياسات صغيرة مثلهم، ومنافع خاصة مثلهم، بس ليشوّهوا سمعتنا ويضربوا لنا نضالنا ويحبطوا عزيمة ناسنا.


بقضية الدعم، منتجرّأ نقول انّو لازم ينرفع تدريجياً عن كلّ شي ليبطلّ المستفيد منه هو الميسور متل الفقير، والأجنبي واللاجئ والنازح متل اللبناني، وليوقف التهريب على سوريا وليوقف استغلال التجار، وليحصل عليه بس الفقراء والمعوزين عبر بطاقات دعم مخصصة لهم.


قيمة التيّار هي قدرته على قول الأشياء الصعبة بالأوقات الصعبة وتحمّل نتائجها مهما كانت قاسية وتقيلة عليه. نحنا منوقف الموقف الصعب ولو على حساب شعبيّتنا، المهمّ ننقذ ناسنا وبلدنا.


خسرنا كتير وراح كتير بسّ كلّه بيرجع، المهمّ نحنا نبقى وما نيأس ونفلّ. المهم الشعب يبقى حيّ لأن الإقتصاد بيرجع بيعيش، ولكن اذا الشعب أصابو اليأس وهاجر، منصير أرض من دون شعب، وبيحلّ محلّنا النازح واللاجئ والغريب. الأرض من دون أصحابها يعني وطن من دون شعبه، يعني جسد بلا روح.


ثروتنا الإغترابية كبيرة، واليوم فرص الإستثمار للبنانيين متوفّرة بالزراعة والصناعة والصناعة الغذائية والسياحة الداخلية واقتصاد المعرفة – اليوم كلفة الإنتاج صارت أرخص والفرص صارت أكبر، وبهيك أزمات المستثمرين بيتشجعوا.



رغم كل شي، لبنان بعد عندو مقوّمات النهوض. أوّل شي شعبه وبراعته وقدرته على التحمّل والتأقلم، وتاني شي ممتلكات الدولة الكبيرة، وتالت شي ثروات البلد من آثار وذهب ونفط وغاز ومياه، والمياه هي اكبر ثروة النا بالمنطقة اذا عرفنا استفدنا منها ووقفت الأكاذيب عن السدود.


بتتذكروا لما قلت للعسكري وللاستاذ ولموظف الدولة انّو معليش اذا خسرت 3% من معاشك، أحسن ما يروح معاشك كلّه والكل قاموا عليّي؟ ليكوا وين صرنا!


صار بدّنا نظام إقتصادي ومالي جديد، ما بيقوم على الريع والمضاربة والإستهلاك المفرط، وما بيعتمد على الدين ورهن أملاك اللبنانيين وبيعها وإضاعة أموالهم وسرقتها بخيارات ومراهنات وهندسات قام فيها المسؤولون الماليون.​

 

[Tiger_Lebanon]

KING BASSIL !

 

[Tiger_Lebanon]

كبيييييييييير​

 

[NAFAR]

The most important part of Bassil speech is his clear declaration and admittance that there is no way for any reforms under the current political system and constitution, and his call for a new system of administrative and financial broad decentralization … which actually means federalism.
As I said it before … we are heading to a new political system

 

[JustLeb]

The most important part of Bassil speech is his clear declaration and admittance that there is no way for any reforms under the current political system and constitution, and his call for a new system of administrative and financial broad decentralization … which actually means federalism.
As I said it before … we are heading to a new political system

I didn't listen to him, but judging from your post this is typical bassil, b kabber le 7ajar to justify his incapacity to do anything
This reminds me of an English proverb: "a bad worker quarrels with his tools"
Again judging from your post this is only populism to attract dudes that are not that different from those who stormed the Capitol

 

[JustLeb]

I don't agree, but the joke is funny

 

[agnostic]

I didn't listen to him, but judging from your post this is typical bassil, b kabber le 7ajar to justify his incapacity to do anything
This reminds me of an English proverb: "a bad worker quarrels with his tools"
Again judging from your post this is only populism to attract dudes that are not that different from those who stormed the Capitol

With the current Lebanese system the situation will remain incurable. Bassil has just exposed this fact. I didn't notice that he said anything about how the new system should be.

 

[TayyarBeino]

 

[SeaAb]

Why is Nawfal in Cyprus? Leh tarak Lebnen?

 

[SeaAb]

كبيييييييييير​

 

[agnostic]

How can't people not be jealous when we compare their meals to Sheikh Saad's one. 6 Millions USD is perhaps a little bit expensive. But one eats for what he pays for.

 

[Resign]

Why is Nawfal in Cyprus? Leh tarak Lebnen?

i suspect threats
but he's not saying it
Last time he was in Lebanon he was brought in for questioning and it seemed serious.

Better he remains in Cyprus and speaks his mind freely away from the Lebanese stasi headed by aoun and Hezb.

 

[TayyarBeino]

 

[Joe tayyar]

i suspect threats
but he's not saying it
Last time he was in Lebanon he was brought in for questioning and it seemed serious.

Better he remains in Cyprus and speaks his mind freely away from the Lebanese stasi headed by aoun and Hezb.

Eh la2an nawfal wala lamba momkin yghayyir el mou3adaleh el siyesiyeh bi libnen wal mahjar!

 

[Resign]

Eh la2an nawfal wala lamba momkin yghayyir el mou3adaleh el siyesiyeh bi libnen wal mahjar!

Right
Yet People are getting arrested and put in jail over tweets and facebook posts.
Tell your 3ahd to stop abducting people over opinions iza mch adrin yghayro bel mo3adale el siyesiye